ايام واش من ايام

خممت مزيان ودرت راسي في الميزان
لقيتها ايام توجع
وتبقى مسعور مولع
تخربق الكلام و الاوراق
وعمر القلب وماتو لشواق
العاقل فيها عايب وخايب
والجاهل فيها عاجبو راسوا و سايب
كلامو حلو مقبول
ومول لعقل ردو ه مهبول
قالو الا غلاظو كتافك
وقصاح كلامك
تسير تضيم
غيابك حسن من مقامك والله العظيم.
اش من نهار ترجع الدار
وترجع العفة ولوقار
شان الشيخ يكبار
وتولي الحشمة سايدة
والمروة والمحبة كاينة
وبلا زواق بلا نفاق
و تما ربي يكتر لرزاق