بين الطوب والحجر
شعل الخز وكثر
وتعوجات ليام الله يستر
لا تسال لا تسول
على الهم اللي هول
ميات تخميمة وتخميمة
تعيا وتبق هايم كيف ديمة
بحر تاهو فيه العوامة
مدى قاومو مواجو القتالة
تصبح مضيوم وتروح مضيوم
امتا تشعل شمس اليوم
وتمحي الهموم
وتنور الطريق بالنجوم
الدنيا سبيطار كبير
ما ينفع فيها لا طبيب
لا فقيه ولا نفاخ الكير
شكي سقامك
على المولى اللي داري بحالك
نصابة والكدابة كتارو
وضد الحق جارو
كلمة الحق معدومة
وكلمة سفيه مقيومة
اش من حق باقي
مول الحق سايح في الزناقي واش باقي
الزور شايع ليه دور
باغي الحق تبق الدور
لحماق في هاذ الوقت راحة
تهنى من حر السؤال
و علاش الدنيا مبوقلة هاكة
عدد الرسائل
موضوع: هم ليام