شفتي الظلم وحدرت راسك
ومن مرار الحسرة شربت كاسك
راه ما كرهوش يدوم نعاسك
ويزيد مرضك ويطوال كلاسك
دارت عليك ليام وبرد رصاصك
وما بقيت تميز بين لعديان وناسك
نوض تامل حالك توعى
حالك ليوم ظلام وطفات الشمعة
وخا يدورو بكدوبهم سوار لقلعة
لابد السوق يكشف فساد السلعة
كون ماكانش لخروف قاتلاه الخلعة
كون الديب نسى كيف يمشش الضلعة
لغدر
لغدر طبع في البشار***والحالة رها معدومة
زيد أقلبي ف الصبار***الناس عيشتهم لومة
قال الجنة أوها النار*** ولا راعي مـعدومة
لكتاب فاضح أسرار ***أفكارنا ولاة ملغومة
ما ميزنا خي أخيار ***العلامة رها مرشومة
راه نقصـات لعمار***زايدين في السومـة
راه ما اعرفنا لعبار***واليوم اكلينا الثومـة
سول ذاك الشـطار***خليها خي مهمومـة
باعو كل مـا فالدار***واليوم رها مشؤومة
طبايعنا كلها اغدار***يا لـقلوب المعدومة
عدد الرسائل
موضوع: قصائد زجلية مسفيوية 
