كان يا مكان
وكان حتى كان
القلب والصبر تكلمو
وعلى الهم سولو
واش تزاد معنا ولا حنا اللي كبرناه
ولا حنا اللي سهينا وتبعناه.
الهم ديما تابعك
حتى عزراييل يقبصك
وخا دريبليه وطاكيه
يجيك تجري
ويسكنك وخا تفافيه
ليام دايزة تخمام
والعين حالفا ما تنام
من حر السؤال
واش الحال يبق هو الحال؟
تمنى ركنة في روضة منسية
ولا زواق الزربية
اممتي إيمتا تحيد هاذ الغصة.
وترجع سوايعنا خصة
تبرد لقلوب اللي شاعلة نيران
ونقزو بالفرحة بحال التيران
يقرب كل بعيد
ونشعلو شموع العيد
ترجع الظحكة لفامنا
وتنور اسنابل ويزيان عامنا
وقتاش يجي داك النهار
ونحمدو فيه القهار
اللي هز فيه علينا الغمة
وتصفى فيها قلوبنا
تولي فضة
.