قالوا

قالوا زمان
الحر بالغمزة
و العبد بالدبزة
و الجاهل معذور يا حضرة
و الضعيف يطلب الخبزة
و الغني يقلب على الدبزة
و شي يحفر الحفرة
و شي غردو غير العزة
و شي ينغز بالنغزة
و شي يتغرج بكل نظرة
ايه خبرتك و خبرتك
راه ، راه
و الغوت اوراه
ماشي شفار راه
و لا اشلاهبي و لكن راه
غير شماتة و من اعطاه
داتو الشكي و من ابغاه
و تيقول ما كاين سواه
و جميلنا في الهدور و كلشي اخلاه
حتى من البكم و اصمك انساه
و قالوا ثاني
سامحوا البكم
الا تكلم
و المرغود الا خمم
و المكلخ الا فهم
و المصطي الا سلم
و الهبيل الا تعظم
و المتكبر معمرو يخدم
ما حيلته راسه و لا الهم
و قالوا عود ثاني
غير حمم نيفك
و قول راني من الحدادة
و هو ما ليه لا معنى و لا افادة
غير التقليد و العادة
و العادة نار يا سادة
و اشحال منه ومادة
و قومان عادة
في نفس الطربق ابلا افادة
انساوا ريوسهم و حتى في العيادة
و اخيرا قالوا
هي هات
هي هات
الدنيا مشات
و جات
و دات طرف من الدات
و اندمنا على ما فات

الله يرحم من قال
تقبل مروري
وتقديري

(( يا ويحي ))
اشحال من واحد ابكى ؟
أبكاه ما برد قلبه
و اشحال من واحد صاح ؟
اصياحه ما تسمع
أيه ثم ايه يا خي شوف اش أطرى ؟
الغلب أحمى على اصفايح
لقرب لطاغي يتحرق و يتردم
في توفري هو شوف بعيانو
و حتى من لسانه اتحسك
يصير اطراف مقلي في ناره
لا من يسمع الغاه و اكلامه
على الحق لصار اغريب
و الباطل صار احبيب
كل واحد في هاد الدنيا
شي واكل و رافس
بيديه و برجليه و ناس
تشوف فيه لا من يدوي
و لا من يقول اللهم هاد
منكر صاب الدنيا و أهلها
يا ويحي القانع صار ذيب
و صار اهرمش و يعض
من قرب ليه و يتركه
مرمي ما بين الحق و الباطل
مصيبته مصيبة صار مخبوط
مثل دقان الذرة و لا خبيط البطانة
ايه يا خاوة
و لا تسال و لا تسول الحرث
فاض عليه الما و صار ساكية
و الحراث يحرث حتى اغرق فيه
و قالوا عليه مسكين ما عندو جهد
الله يكون في اعوانه شي ايدي شكارة
و لاخر اشوف فيه و لا يحرك الساكن
و هاد هو الحال الدنيا و موليها..
نورالدين نوري / البيضاء عين الشق / المغرب
[/b]