فن الملعوب جدب المجدوب

السلام على الجواد
كلامهم لينا مايحافي
والصلاة على سيدنا محمد
مول القلب لحنين الصافي
كلامو يروينا
ويوعينا والقلوبنا شافي
سبيلو ينجينا
من هول لمصير وحريق لعوافي
لا تنساه من قلبك
غير ذكرو يعافي
نورو مسرار
فكل مكان وزمان
يجول يساوي فالعباد
ويقوي لوتاد
ويضوي كل قنديل طافي
كلُّو محاسن شلا نحكيلك وصافي
بديت مسير لقصّة
فيها نزاهة وندالة
حلاوة وشقاوة
عذاب وعداوة
جدورها كابوس زماني
وراقها الطيح معاني
تنور طريق كل عبد يعاني
وتوعي كل سلطان غواه الفاني
خلى الفتنة بين العباد
هذا فقير وداك غني
دا مهموم وداك هاني
حالتهم ماكشوفة الحق فيها خافي
والله وحدو يعلم ما فالخوافي
من بعد السلام على نبينا العدنان
كتبت لقلام وبنعمة اللسان خرج لكلام
دوى وصار يحوّم وفرز لغاه
من بعد ما قلت سلامي ونقشت مجراه
نبدا كلامي ونهديه ليكوم هدية لكن من سمعو مرواه ميرد اللوم عليّة
مايهز تقلك غير فعلك
غير نسا القوم المخزيّة
أروم العقلك الحكمة
أطهر نفسك من كل حاجة دنيّة
من جاور لجواد جاد
صار فالدنية ركايزو متينة قوية
أو من عاشر القدرة تلات بيه
وضحات نفسو بحمومها مطلية
ألبيب لحازم يديرحسابو فراسو
وينجي سفينتو من رياح الهول لعتية
يا صاااااااااااااااح
دير ليك لجام قبل متحل بيك أوبيّة
هم السربةوالطلبة حيّر عقول فاهمة
حتى رسخوها فكتوب منسية
فزمان الجور وظلام
باش ينفعن لكلام
ولا هاد غير قلت النية
ونا مالي
نجر طوالي
ونرضى بديالي
ولا ندخل لشي سوق مسالي
موكا فيه طبيب
وسبع سلم ضبع
والديب حاضي الجيب
الله يا بارد لقليب
الدقّان عليك قول قريب
سلستي هْداف الباسل
قلتي فالرجال العيب
قنديلهم سور عالي
آعجبي اليوم يْريب
زْرَعهم الحق دْوالي
آعجبي اليوم غريب........................

السلام عليكم ورحمة الله وبركاته

تبارك الله عليك اخي قصيدة رائعة ومعبرة تستحق التثبيت

واصل التئلق بالتوفيق

تقبل مروري وتقديري

تحياتي

لكي مني أجمل تحية أخت بـ الغيوان ـوح وهاد أول مشاركة لي فهاد المنتدا الجميل ونتمنى يكون منبع لمحبة وتنهد ليك أغنية =ألصينية=هدية تقبل مروري
تحياتي

تبارك الله عليك

ابهرني ماقراته وعجز لساني عن التعبير

الله يعطيك الصحة

تحياتي

واصل وفقك الله

تبارك الله عليك اخي قصيدة فالمستوى

تقبل الله منا ومنكم صالح الأعمال

براااافو خطيرة هاد القصيدة

تبارك الله ما شاء الله على عطر قلمك

تابع بالتوفيق

بيكم الوكر آعمر
عودكم قمر
و ريحتوا زكية
و الطير الحر ينبر
يلقى صحاب فيهم النية
نجوم ضاوية مع نور القمر
العز و النصر
الزهر و العطر و الزعفران الحر و تفوح نسايم الهدية
مجذوبكم في قسم الزجل المغربي و التقافة الشعبية
و الهدية باقة ورد و مزهرية

دموع الفقر كتب:

تبارك الله عليك

ابهرني ماقراته وعجز لساني عن التعبير

الله يعطيك الصحة

تحياتي

بارك الله فيك أختي الكريمة على هدا الرد الجميل

تقبلي تحياتي

شكرا على هده الردود الجميلة
تقبلوا تحياتي